| 1 | |
HStAOrient5a: 3r olunmaz. Maʿa hāẕā edāʾ‑i maʿnāda vāqiʿ olan naẓm u eşʿār // ve inşāʾ‑i suḫanuñ niqāṭ u ḥurūfı s̱emere‑i ser‑qalem ve lüfāẓe‑i // ẓarf‑i lisāndur. Ammā naẓar‑i kerāmet ile nāẓır ve dāmen‑i // ʿafv ile naqṣını sātir olıcaq reşḥa‑i qalem‑i kerem ile ʿaybını // ġayb ėderler. İʿtimāden ʿaleyh bir mecmūʿa cemʿine naṣb‑i ḫāṭır ėtdüm // ki bir qaç muʿteberāt‑i ʿulūmdan ʿalāmāt u rüsūmı anda // beyān olına. Zīrā ʿulūmda bulūġ‑i kemāl emr‑i muḥāl ve maḥż‑i // ḫayāldür. [Nite‑kim dėmişlerdür: Şiʿr Mā ḥawā l‑ʿilma ǧamīʿan raǧul // Lā wa‑law mārasahū alfa sana Innamā l‑ʿilmu ṣunūfun ǧamma // Fa‑ḫuḏū min kulli ṣinfin aḥsana Terceme Kesbe qābil degül cemīʿ‑i fünūn // Kişi biñ yıl ėderse cidd ü ṭaleb Lāzım olan nefāyisin aḫż ėt // Daḫı nefs‑i nefīse vėrme taʿab /] Mā lā yudraku kulluhū lā yutraku kulluhū. Bāri bu kitāba // tevcīh‑i naẓar ėden fī l‑cümle fażīlet‑i ʿulūmdan bī‑behre // ve maḥrūm olmaz Her devḥadan bir berg‑i ter ve her nehr‑i // hünerden bir qaṭre‑i kemter ḥāṣıl ėder. Egerçi bu dürer‑i manẓūme kütüb‑i // meşhūrede silk‑i beyāna muntaẓamdur. Ammā qaʿr‑i deryāda olan // güherden sākin‑i sāḥile ne ḥāṣıl ve taḥte l‑arż olana ne // nūr vāṣıl ola? [Ġavvāṣ‑i fikret hezār ġavṭa yėmek gerek bir dürr‑i bā‑qıymet ele getüre.] Ve bu muḫtaṣarda baʿżı kütüb‑i muʿtebereden terceme // ėdüb ilḥāq ėtdüm. Eks̱er‑i mesāʾilin [!] quṭbu l‑kāmilīn // ẕū‑l‑medāric ve l‑meʿālī İmām Ġazālī ḥaẓretine nisbet olunan // Yevāqītü l‑ʿulūm adlu kitābdan ve baʿżı mesʾelesin ḥażret‑i // |